Синоптиктар мғлүмәттәре буйынса, бөгөн, 6 май көндө, ҡыҫҡа ваҡытлы ямғырҙар яуыуы фаразлана. Ел көньяҡ-көнсығыштан, көньяҡтан, урыны менән көсәйеүсән. Тиҙлеге секундына 17 метрға тиклем етәсәк. Термометр бағаналары көндөҙ +6,+11° градус күрһәтәсәк, көньяҡ-көнсығышта +15° градусҡа тиклем.
Шишәмбе көндө, 7 майҙа, урыны менән шулай уҡ ҡыҫҡа ваҡытлы ямғырҙар яуасаҡ, төндә республиканың төньяғында ҡар ҡатыш ямғыр яуыуы ихтимал. Һауа температураһы төндә +1, +6°, урыны менән һауала һәм ер өҫтөндә ҡырау төшөү ихтималы ҙур – 0,-2°, көн –+11,+16°.
8 майҙа, урыны менән күк күкрәп ҡыҫҡа ваҡытлы ямғырҙар яуып уҙыуы мөмкин. Ел көньяҡ-көнбайыштан, урыны менән көсәйеүсән. Һауа температураһы төндә +6,+11°, көндөҙ +12,+17°, көньяҡта +22°тиклем.
Сығанаҡ: bashinform.ru