Шоңҡар
+20 °С
Болотло
Бөтә яңылыҡтар
Аш-һыу
5 Апрель , 18:00

Татлы десерт

Был тәмлекәсте әҙерләү өсөн 300 г йомшаҡ сыр, 300 мл һөт өҫтө (35 процентлы), 150-әр грамм аҡ һәм ҡара шоколад, 300 г печенье, 120 г аҡ май һәм 1 ҡалаҡ шәкәр оно (пудра) кәрәк буласаҡ.   

Татлы десерт
Татлы десерт

Печеньены иттартҡыс аша үткәрергә лә, иретелгән май менән бутарға. Был массаны торт бешерә торған ҡуласалы табаға йәйеп һалып, ҡалаҡ менән тығыҙлап, 30 - 50 минутҡа һыуытҡысҡа ҡуйырға.

Аҡ һәм ҡара шоколадтарҙы быу мунсаһында айырым-айырым иретергә. Йомшаҡ сырҙы шәкәр оно менән бутап, икегә бүлергә. Бер өлөшкә - аҡ, икенсе өлөшкә ҡара шоколад ҡушып бутарға. Һөт өҫтөн күпергәнсе туҡып, икегә бүлеп, ошо массаларға ҡушырға. 

Десерт стакандарына печеньенан эшләнгән коржды һындырып, шокаладлы массалар менән аралаштырып һалырға. Ҡатлы-ҡатлы итеп эшләргә лә була. Өҫтөн ҡырғыс аша үткәрелгән шоколад менән биҙәгеҙ.

Табынға бирер алдынан был десертты 4-5 сәғәт һыуытҡыста тотоп алығыҙ.

 

 

Автор:Гульнур Куватова
Читайте нас: