Һырғанаҡ (облепиха) сәйе

1 әфлисунды ҡабығынан әрсеп, емеште аҡ сүстәрҙән таҙартырға ла, йоҡа ғына итеп, түңәрәкләп телергә.
Кәстрүлгә 1 литр һыу ҡойоп ҡайнатырға ла, әфлисун ҡабығын, 1 стакан һырғанаҡ емеше, туралған ярты лимон, 1 һабаҡ дәрсен һалып, 5 -7 минут төнәтергә. Аҙаҡ һөҙөп алып, графинға йәки быяла сәйнүккә ҡойорға ла, 4 ҡалаҡ бал һалып бутарға, әфлисун телемдәрен, 2 ҡалаҡ һырғанаҡ емешен һалып, бутарға.