Үҙенсәлекле шешлек

Һарыҡ итен - ҙур булмаған киҫәктәргә, ҡойороҡ майын йоҡа ғына итеп телемләп турағыҙ ҙа, ҙур һауытҡа һалығыҙ. 3 баш һуғанды (1 кг ит, 150 г ҡойороҡ майы иҫәбенә), 20-әр г бөрнөк менән кинза үләне турап, самалап әсе борос менән тоҙ һалып бутағыҙ. 1 лимондың һуты менән 50 мл коньяк өҫтәгәс, тағы бер бутағыҙ ҙа, 8 сәғәт һалҡынса урында тотоғоҙ.

Итте шампурға ҡойороҡ майы менән сиратлап теҙергә кәрәк буласаҡ. Уны ғәҙәттәгесә, күмер өҫтөндә бешереп, табынға соус һәм йәшелсәләр менән бирегеҙ.