-3 °С
Ҡар
Бөтә яңылыҡтар
Һаулығым - байлығым
14 Май 2020, 16:45
Ҡарағат япрағы файҙалы
Япраҡтарҙы ҡасан йыйырға?
Һуңғы йылдарҙа халыҡ емеш ағастарының япрағын күпләп йыйып, ҡыш буйына хуш еҫле сәй менән кинәнә. Мәҫәлән, ҡарағат япрағы ла бик файҙалы.
Уны белгестәр, тәбиғәт бүләк иткән дауа сығанағы, тип йөрөтә. Бигерәк тә ҡыуаҡлыҡ сәскә атҡанда унда С витмаины күп туплана. Япрағын тап шул ваҡытта йыйып ҡалырға мөмкин. Өлгөрә алмағанда, июнь айында ла ярай. Бының өсөн ҡоро көндә, иртән ысыҡ кипкәс, сәләмәт япраҡтарҙы өҙөргә кәрәк.
Ҡарағаттағы органик ҡушылмалар ҡандың ойоу процессын көйләй, ҡан тамырҙарын нығыта, ялҡынһыныуҙан һаҡлай. Ҡарағат япрағы сәйе гипертония, атерослероз, ҡан тамырҙары ауырыуҙарынан файҙалы, яман шеште киҫәтә, ҡандағы шәкәр дәрәжәһен көйләй, күҙ күремен яҡшырта, организмдан артыҡ һыуҙы сығарырға ярҙам итә. Ул һалҡын тейгәндә бик файҙалы, йүтәл, бронхит, грипп, ангинаны дауаларға булыша.
Япраҡтың яңы өҙөлгәнен дә, киптерелгәнен дә файҙаланырға була. Уға ҡурай еләге, сейә япраҡтары, ҡара йәки йәшел сәй менән бергә ҡушып та әҙерләй алаһығыҙ. Япраҡтарҙы сәй кеүек бешерәләр. Сәйнүккә һалып, ҡайнар һыу ҡоялар һәм 15 – 20 минут төнәтәләр.
Әлбиттә, һәр нәмәлә сама белергә кәрәк. Ҡарағат япрағы сәйе аллергия тыуҙырырға ла мөмкин. Ул хроник бөйөр ауырыуҙары, гастрит, ашҡаҙан һәм ун ике эсәк йәрәхәте, тромбофлебиттан тилмереүселәргә зыянлы.
Читайте нас:
© 2024 «Шоңҡар» - Башҡортостан йәштәренәң ижтимағи-сәйәси, әҙәби-нәфис журналы
Баш мөхәррир: Айгиз Ғиззәт улы Баймөхәмәтов
Телефон
(347)272-61-64
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 910
Ҡабул итеү бүлмәһе
Венер Айҙар улы Исхаҡов (яуаплы сәркәтип) - 89279443170
Хеҙмәттәшлек
Финзира Ғариф ҡыҙы Рысаева - 89174785622