Битте һабынлап йыуырғамы?

Кер һабыны бактерияларҙы бик яҡшы бөтөрә. Әммә бындай һабын менән йыш йыуыныу файҙаға түгел. Һүҙ бында кер һабыны ғына түгел, ә магазиндарҙа хәҙерге ваҡытта күпләп һатыла торған антибактериаль һабындар тураһында бара. Кер һабыны менән көн һайын йыуынып торһаҡ, тән ялҡаулана һәм насар микроорганизмдарға ҡаршы көрәшмәй башлай. Йәғни уларҙы йыш ҡулланһаҡ, эпидермис үҙенең тәбиғи һаҡланыу үҙенсәлеген юғалта. Тора-бара был тәндә төрлө ауырыуҙар һәм инфекцияларҙың еңел таралыуына килтерергә мөмкин.