Республикала шишмәләрҙе таҙартыу һәм төҙөкләндереү дауам итә. Быйыл республиканың Бишбүләк, Бөрө, Дүртөйлө, Мишкә, Йылайыр, Краснокама, Тәтешле, Ҡариҙел, Хәйбулла, Архангел, Борай һәм Күгәрсен райондарында 12 шишмә төҙөкләндереләсәк.- Йыл һайын республиканың ауыл һәм ҡасабаларында төҙөкләндереү буйынса эштәр башҡарыла. Беҙ муниципаль райондар хакимиәттәре ғаризалары буйынса эшләйбеҙ. Төп маҡсат - халыҡты һыу менән тәьмин итеүҙең резерв сығанаҡтарын булдырыу. 2021 йылда төҙөлгән контракттарҙың хаҡы 1 195,7 мең һум тәшкил итә, - тип билдәләп үтте БР тәбиғәттән файҙаланыу һәм экология министрының беренсе урынбаҫары Илдар Ғарифуллин. 2007 йылдан республика бюджетынан шишмәләрҙе төҙөкләндереүгә аҡса бүленә башланғандан бирле төбәктә 130-ға яҡын шишмә яңыртылған
Былар барыһы ла "Экология" милли проекты һәм «Башҡортостан Республикаһының Экология һәм тәбиғи ресурстары» дәүләт программаһына ярашлы башҡарыла.
ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан