-6 °С
Болотло
Бөтә яңылыҡтар
Общие статьи
4 Март 2020, 00:15
Нигерия егете Өфө ҡатынын мәсхәрәләгәнме?
Айо тарихы бер нисә тапҡыр федераль телеканалдарҙа яңғыраны, Рәсәйҙә генә түгел, хатта сит илдәрҙә киң шаңдау тыуҙырҙы.
Бөгөн Өфөнөң Октябрь район суды 24 йәшлек Нигерия егете Осиа Альфаеус Эбитимиға (уны дуҫтары Айо тип йөрөтә) ҡарата енәйәт эшен йомғаҡланы. Судья Радмир Ғәймәлиев ғәйепләү статьяларын бер аҙ йомшартып, Африка егетен ике йыл да дүрт айға дөйөм режимлы колонияға ултыртыу хаҡында хөкөм ҡарары сығарҙы. Егеттең бер йыл да ике ай тикшереү изоляторындағы ваҡыты икеләтә иҫәпкә алынып, ғәйепләнеүсе хөкөм срогын тултырған тип һанала. Шулай итеп, Айо суд залынан уҡ иреккә сыҡты.
Ҡаза күреүсе – Өфө фәхишәһе Мария Лусникова шулай уҡ ултырышҡа килгәйне. Күрәһең, ул быны көтмәгәйне, ғәжәпләнеүе йөҙөнә сыҡҡайны.
Хәтерегеҙгә төшөрәбеҙ, Айо былтыр ғинуар башында ҡулға алынды. Быға 41 йәшлек Өфө ҡатыны Марияның 2018 йылдың 31 декабрендә уны талауҙа һәм мәсхәрәләүҙә ғәйепләп яҙған ғаризаһы сәбәпсе булды.
Ҡатын фәхишәлек менән шөғөлләнгән, күптән түгел телешоуҙа бушлай енси мөнәсәбәткә инеүҙе лә ул көсләү тип иҫәпләүен белдергән. Айо тарихы бер нисә тапҡыр федераль телеканалдарҙа яңғыраны, Рәсәйҙә генә түгел, хатта сит илдәрҙә киң шаңдау тыуҙырҙы. Дуҫтары егеттең ғәйепле булмауы хаҡында видеомөрәжәғәт менән дә сығыш яһаны.
Айо үҙенең ғәйебен кире ҡаға һәм енси бәйләнеш ҡатындың ризалығы менән булыуын әйтә. Ә кейемен залог рәүешендә алған, сөнки фәхишә быға тиклем уның 500 долларын урлаған.
Читайте нас:
© 2024 «Шоңҡар» - Башҡортостан йәштәренәң ижтимағи-сәйәси, әҙәби-нәфис журналы
Баш мөхәррир: Айгиз Ғиззәт улы Баймөхәмәтов
Телефон
(347)272-61-64
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 910
Ҡабул итеү бүлмәһе
Венер Айҙар улы Исхаҡов (яуаплы сәркәтип) - 89279443170
Хеҙмәттәшлек
Финзира Ғариф ҡыҙы Рысаева - 89174785622