Төхфәт ағай һөйләй: “Күкрәгемдә
Һигеҙ кейәү бар барлығын да,
Ләкин береһенән дә уңманым”.
- Булған эштәр булған, – тинем уға, –
Кейәүҙәрем, тиеп көйөнмә,
Һигеҙ ҡыҙың һиңә һигеҙ яҡлап
Ярҙам итер ҡартлыҡ көнөңдә.
-Юҡ, тине ул, – ҡыҙым икәү генә –
Ләкин мин уларҙың һәр береһенә
Туй үткәрҙем дүртәр мәртәбә.
Төхфәт ағай һигеҙ кейәүен дә
Гел рәнйеү менән хәтерләй,
Ярты ҡыйыҡ һүҙ ҙә еткермәй.