Ҡарағаттан ҡайнатма

11 ст ҡара ҡарағат, 14 ст шәкәр, 2 ст һыу кәрәк буласаҡ:Ҡарағатты таҙартып, йыуып, һарҡытып алабыҙ. Кәстрүлгә 2 стакан һыу һәм 7 стакан шәкәр һалабыҙ. Сироп әҙерләйбеҙ, шәкәр тулыһынса иреп бөтөргә тейеш.Ҡайнаған сиропҡа ҡарағатты һалып, ул ҡайнап сыҡҡандан һуң тағы ла 10 минут утта тотабыҙ. Аҙаҡ уттан алабыҙ. Был массаға ҡалған шәкәрҙе һалып, ул тулыһынса иреп бөтәкәнсе 10 минут тирәһе болғатабыҙ. Эҫе көйө банкаларға һалырға. Һыуытҡыста һаҡлана.