+12 °С
Ямғыр
Бөтә яңылыҡтар
Общие статьи
14 Ғинуар 2021, 16:37
Һаҡлай белмәһәгеҙ, өҙмәгеҙ!
Ҡатын-ҡыҙҙың йәне – сылтыр шишмә,Сабыр ғына ағып баралыр.
Һаҡлай белмәһәгеҙ, өҙмәгеҙ!
Ҡатын-ҡыҙҙың йәне – сылтыр шишмә,
Сабыр ғына ағып баралыр.
Һөйөү тойһа, үҙен һөйгән йәнгә
Наҙлы шифа булып ҡағалыр.
Ҡатын-ҡыҙҙың йәне буранға тиң,
Аҙаштыра ала, теләһә.
Томан ярып, юл күрһәтә ала,
Йөрәгенә үтеп инә алһаң!
Ҡатын-ҡыҙҙың йәне аҡ болоттор,
Ямғыр булып, шифа тарата
Яртамаһа, йәне – йәшенле ут,
Ләйсән ямғыр, әгәр яратһа.
Ҡатын-ҡыҙҙың йәне – өйөрмә ул,
Юлдарына ҡаршы төшмәгеҙ!
Юҡҡа үпкәләтеп, рәнйетмәгеҙ,
Ҡайнар йәштәренә бешмәгеҙ!
Ҡатын-ҡыҙҙың йәне – наҙлы гөл ул,
Үҙегеҙҙең гөлдө эҙләгеҙ!
Йылы ҡулда ғына сәскә ата,
Ҡарай белмәһәгеҙ, өҙмәгеҙ!
Һаҡлай белмәһәгеҙ, өҙмәгеҙ!
Флера Шәрипова.
Читайте нас:
© 2024 «Шоңҡар» - Башҡортостан йәштәренәң ижтимағи-сәйәси, әҙәби-нәфис журналы
Баш мөхәррир: Айгиз Ғиззәт улы Баймөхәмәтов
Телефон
(347)272-61-64
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 910
Ҡабул итеү бүлмәһе
Венер Айҙар улы Исхаҡов (яуаплы сәркәтип) - 89279443170
Хеҙмәттәшлек
Финзира Ғариф ҡыҙы Рысаева - 89174785622