Красногвардейский районы үҙенең 55 йыллыҡ юбилейын билдәләне

Йөҙ йыл элек Башҡортостан тыуыуына ҙур өлөш индергән район быйыл үҙенең 55 йыллыҡ юбилейын билдәләй.

Был хатҡы Бөтә донъя башҡорттары ҡоролтайы хәбәр итә. 

Юбилей шатлығын уртаҡлашырға Бөтә донъя башҡорттары ҡоролтайы вәкилдәре, Ырымбур өлкәһе Хөкүмәтенең губернатор-рәйесе Денис Паслер, Башҡортостандың Баймаҡ һәм Мәләүез райондары ҡунаҡтары килде. Байрамда ҡатнашыусыларҙы Красногвардейский районы башлығы Юрий Классен сәләмләне, ул ярты быуат элек райондың Сорочинск районы составынан бүленеүен, ә 1917 йылға тиклем был территория Һамар губернаһы составына инеүен билдәләне. Башҡорт республикаһы ойошторолғандан һуң был төбәк БАССР составына Туҡ-Соран кантоны булараҡ ингән. Был кантон башҡорттары республикала юғары уҡыу йорттары директорҙары, гәзит-журнал мөхәррирҙәре булып эшләй. «Ҡыҙыл Башҡортостан» гәзитенең тәүге мөхәррирҙәре исемлеген килтереү ҙә етә: Сәғит Мерәҫев, Кәрим Иҙелғужин, Дауыт Юлтый, Ҡасим Аҙнабаев - барыһы ла сығышы менән Туҡ-Сорандан. Мәҙәниәт һәм рухи мираҫ йылы менән бәйле Мөхәмәтша Буранғоловтың Башҡортостан мәҙәниәтенә индергән өлөшө хаҡында ла оноторға мөмкин түгел - ул эпостың төп эпизодтарын Баймаҡ районында тыуып үҫкән Ғәбит сәсәндән яҙып алған. Ошо уҡ Үрге Ильяс ауылынан Мәжит Буранғолов та сыҡҡан. Ул профессор Лев Лебединский менән бергә бик күп башҡорт йырҙарын нотаға һалған. Башҡорт яугирҙәре тураһында һөйләгәндә, Бөтә донъя башҡорттары ҡоролтайының вәкиле, тарих фәндәре кандидаты Нурислам Ҡалмантаев Бөрйән волосының старшинаһы булған Алдар батыр Петр Беренсенең Азов походы ваҡытында төрөк яугире менән алышҡа сыҡҡанын әйтеп китте. Османдар өсөн сыҡҡан Черкес яугиры, һис шикһеҙ, лайыҡлы ярышташ булды, әммә башҡорт батыры уны бысаҡ менән көрәштә еңгән. Һуңыраҡ Алдар батыр 1704-1711 йылдарҙа баш күтәргән башҡорттарҙың башлығы була. Уның мираҫы әлегә белгестәр һәм халыҡ тарафынан етерлек баһаланмаған. Нурислам Мирхәйҙәр улы Бикбулат Кучаевҡа Бөтә донъя башҡорттары ҡоролтайының «Ал да сәс нур халҡыңа!» миҙалын тапшырҙы. Быйыл май айында Бикбулат Тимербулат улы көсө һәм инициативаһы менән Красногвардейский районының Яңы Юлдаш ауылында Бөйөк Ватан һуғышы хеҙмәткәрҙәренә иҫтәлекле стела ҡуйылды. Ысынлап та, районда тыуған мәҙәниәтен һаҡлау һәм үҫтереү өсөн ихлас янып-көйгән кешеләр йәшәй. Һуңғы йылдарҙа Бөйөк Ватан һуғышында һәләк булған яугирҙәргә, Мөхәмәтша Буранғоловҡа стелалар асылды, район шишмәләрен һәм ауылдарын төҙөкләндереү тәжрибәһенә инде. Райондың төп халҡы - Ҡара-Табын һәм Йомран-Табын ырыуы башҡорттары - үҙ шәжәрәләрен күрһәтте, матди мәҙәниәте элементтарын: милли кейемдәрҙе, башҡорт көнкүреше әйберҙәрен күрһәтте, ә ҡунаҡтарҙы милли аш-һыу менән һыйланы.

"Ҡоролтай"