Байрамығыҙ менән, хөрмәтле ауыл ҡатын-ҡыҙҙары!!!

Бөгөн, 15-се октябрь - Халыҡ-ара ауыл ҡатын-ҡыҙҙары көнө! Хөрмәтле ауыл ҡатын ҡыҙҙары!!! Һеҙҙе Халыҡ-ара ауыл ҡатын-ҡыҙҙары көнө менән ҡайнар ҡотлайым! Сәләмәтлек, оҙон ғүмер, балалар һәм ғаилә ҡыуанысы, шатлыҡтарға төрөнгән көндәр теләйем һеҙгә!  Был көн БМО Генераль Ассамблеяһының 2007 йылдың 18-се декабрендә ҡабул ителгән ҡарары нигеҙендә быйыл билдәләнә.      Башҡортостаныбыҙҙың ҡатын ҡыҙҙары ла был көндө белеп, байрам итеп, ир-егеттәребеҙ игътибарлы булып ошо матур байрам ысын мәғәнәһендә байрамға әйләнһен ине! Кисә махсус рәүештә ҡатын-ҡыҙҙарыбыҙға, ауылдарыбыҙға йәм һәм йән биреүсе әсәй-оләсәйҙәребеҙгә, апа-һеңлеләребеҙгә, туғандарыбыҙға һәм яҡындарыбыҙға һәм ғомүмән, барлыҡ ҡатын-ҡыҙҙарыбыҙға арнап яҙған шиғри юлдарҙы бүләк итәм!  

Дөнъя бөгөн данға күмә 

Ауыл ҡатын-ҡыҙҙарын. 

 Ир егеттәр бағышлайҙар 

Һеҙгә һөйөү йырҙарын! 

Бер туҡтамай яңғыраһын 

 Ҡатын-ҡыҙға дан йыры! 

Тик шатланып ғүмер итһен 

 Ауылдарҙың һәр ҡыҙы!

Ябай ҙа һеҙ, эшсән дә һеҙ, 

 Ауыл ҡатын-ҡыҙҙары!

Данлай белһен, гел яратһын 

Һеҙҙе илдең улдары!

Һеҙҙең өсөн, һеҙгә генә 

 Ир-егеттең йырҙары.

Һеҙгә хөрмәт, һеҙгә дан, 

Ауыл ҡатын-ҡыҙҙары !

Тимерхан Миңлеғәлиев.

Фото:culture.ru