Ғәли Хәмзинды һағынып

Халыҡ шағиры Рәми Ғариповтың бик күп шиғырҙарына көй һалынған. Уларҙы инде нисәмә быуын хисләнеп тыңлай. “Бар ғүмерем” исемле тәрән мәғәнәле йыры ла шуларҙың береһе. Бигерәк тә Башҡортостандың халыҡ артисы Ғәли Хәмзин башҡарыуында ул күптәрҙең хәтерендә уйылып ҡалған. Мәшһүр йырсы яғымлы тауышы менән шағирҙың кисерештәрен меңәрләгән тамашасыға еткерә алды. Моң бишегендә бәүелгәндә, республикабыҙҙың аҫыл улдарының береһе Ғәли Хәмзинды ла иҫкә алайыҡ.

Ғәли Ғәббәс улы Хәмзин 1950 йылдың 12 июнендә Башҡорт АССР-ының Белорет районы Ҡоҙғон-Әхмәр ауылында тыуған.

Бөтә Рәсәй халыҡ йырҙарын башҡарыусы конкурсын башҡарыусыларҙың беренсе лауреаты (1985)^[1], Ғәзиз Әлмөхәмәтов исемендәге призға үткәрелгән йәш башҡарыусылар конкурсы лауреаты. Халыҡ-ара «Туғанлыҡ» фестивале дипломаты.

1981 йылда Заһир Исмәғилев исемендәге Өфө дәүләт сәнғәт институтын тамамлағандан һуң Хөсәйен Әхмәтов исемендәге Башҡорт дәүләт филармонияһының «Йәдкәр» фольклор ансамбле вокал йырсыһы була, артабан 25 йыл «Йәдкәр» фольклор төркөмөнә етәкселек итә.

Сермән урта мәктәбен тамамлағас, Белоретта профтехучилищела уҡый. Армия сафтарында хеҙмәттә була. Әрменән ҡайтҡас, Белоретта машина йөрөтөүсе булып эшләй. Артабан уны колхоздың комсомол ойошмаһы сәркәтибе итеп һайлап ҡуялар.

Сәнғәт иниститутына гәзит биттәренән иғлан уҡығас, барып ҡарарға йөрьәт итә.

Башҡортостан мәҙәниәтен үҫтереүгә тос өлөш индергәне һәм башҡарыу оҫталығы өсөн Ғәли Хамзинға 1997 йылда Салауат Юлаев исемендәге дәүләт премияһы бирелде.

Йырсы 2009 йылдың 15 ноябрендә Өфөлә вафат була.

Сығанаҡ: "Башҡорт Википедияһы.

Автор:Венер Исхаков

Читайте нас

Партнеры