Бөгөн Башҡортостанда Милли кухня көнө!

10 ғинуар - Милли кухня көнө
Яңы йыл байрамдары календарына ярашлы, 10 ғинуар республикала Милли кухня көнө, тип иғлан ителгән.
Һәр илдең, һәр халыҡтың мәҙәниәте үҙенсәлекле һәм күп ҡырлы.
Милли кухня һәм милли аш-һыуҙар - һәр кеше быуаттар буйына ҡәҙерләп һаҡлаған йолалар, уларҙы әҙерләү ысулын быуындан-быуынға юғалтмай тапшырған ҡәҙерле ҡомартҡы ул.
Милли кухня иҫтәлекле урындар менән бер рәттән һәр илдең һәм халыҡтың "визит карточкаһы" булып тора.
Күп милләтле Башҡортостаныбыҙ халҡының да үҙенсәлекле милли аш-һыу төрҙәре бик күп. Улар - милли кухняның ғорурлығы һәм бөгөнгө көнгәсә байрам табындарының биҙәге булып тора.