Кинйәбулат оҫтаһы

Ишембай районы Кинйәбулат ауылынан Гөлсирә Дәүләтованы алтын ҡуллы ханым тип беләләр. Ул һуҡҡан аҫалы балаҫтар, сигелгән таҫтамалдар, эшләгән селтәрҙәр бик күркәм дә, матур ҙа, күҙҙең яуын алып торалар. Йәш быуынды милли кәсепкә йәлеп итеүсе, эшкә өйрәтеүсе лә ул.  

Тормош иптәше Әүхәт Ишҡәле улы менән балаларына матур хеҙмәт һәм тәрбиә өлгөһө биреүҙәре менән дә үрнәк улар. Гөлсирә апай боронғоса балаҫ һуғыу менән ҡыҙыҡһына башлағас, тормош иптәше ҡоролмаһын ҡороп, ҡатынын яңы һөнәргә дәртләндереп ебәрә.

Сығанаҡ: "Торатау" гәзите.