"Эре генә ултырам әле"

Билдәле яҙыусы, үҙе лә биш бала әсәһе Зөлфирә Ҡаҙаҡбаева был көндәрҙә ныҡ эреләнеп киткән. Үҙе был хаҡта сәхифәһендә: ҺӨЙӨНСӨ! ЕЙӘНЕМ ТЫУҘЫ! Эре генә ултырам әле! 
Икенсегә өләсәй-ҡартатай булыу бәхетенә ирештек, Аллаға шөкөр! Ҡыҙым Илнараға, кейәүем Юниргә, апайҙарына һәм изге Рамаҙан айының изге йомаһында ( 31.03.23) донъяға килгән Рамаҙан ейәнемә (әлегә исем ҡушылмаған, шулай тип уйлайҙар ине...) ныҡлы һаулыҡ, бәхетле-бәрәкәтле оҙон ғүмер, тәүфиҡ, әҙәп, иман теләйем! Үҙең бала тапҡандан да нығыраҡ ҡыуанаһың икән ул ейән-ейәнсәрең тыуғанда! Ысын! Әллә йәшлек менән беленмәгән, улай итеп әсәһе (йәғни үҙең) һәм сабый ғүмере өсөн ҡурҡылмаған да һымаҡсы?!" - тип яҙа. Беҙ ҙә әҙибәне, йәштәрҙе бәхетле көндәре менән ҡотлайбыҙ! Бәпес һау-сәләмәт, атай-әсәйле булып үҫһен. 

Фото: Бәйләнештә.