Әбделмәмбәт тимурсылары мәғариф ветеранын ҡыуандырған

Бөрйән районы Әбделмәмбәт мәктәбендә тимурсылыҡ эше яҡшы ҡуйылған.  Ҡышҡыһын уҡыусылар яңғыҙ йәшәгән ололарҙың өй, башҡа ҡаралтыларының башын ҡарҙан таҙарта, утындарын ярып бирә – хәйер, изге эштәргә сиктәр юҡ. Ошо көндәрҙә тимурсылар мәктәптә оҙаҡ йылдар балаларға белем һәм тәрбиә биреп, хаҡлы ялға сыҡҡан мәғариф ветеранын ҡыуандырғандар. Улар  мәғариф ветеранының картуфын ҡаҙып биргәндәр

-Ауылыбыҙҙың оло быуын кешеләрен шефлыҡҡа алыу һәм уларға ярҙам итеү, хәлдәрен белеү электән килгән йола. Бөгөн Әбделмәмбәт мәктәбенең 8-се класс уҡыусылары класс етәкселәре Гәүһәр Сәлихйән ҡыҙы менән бергә мәғариф ветераны Яхина Вәсилә Нуриман ҡыҙына картуф алышырға ярҙам иттеләр, - тип яҙалар мөктәп төркөмөндә. Вәт малаҙистар! Ә һеҙҙә шулай ярҙам итәләрме?

Сығанаҡ: "Таң" гәзите. 

Фото: "Таң"