Ғилман Иҙрисовтың моң кисәһенә рәхим итегеҙ

Йыр сәнғәтен һөйөүселәргә Ғилман Иҙрисовтың исеме яҡшы таныш. Тыуған яғы - Ейәнсура районының Мөхәмәтйән ауылы. Халыҡтағы атамаһы - Серәкәй. Ғилман Иҙрисов шиғырҙарына байтаҡ йырҙар яҙылған. “Һағыныу йыры”, “Һиңә килдем, иркәм”, “Кисер мине, әсәй, ғәфү ит”, “Бер ҡайтаһы ине тыуған яҡҡа”һ.б йырҙары автор хаҡында яҡты хәтирәләр һаҡлай. Уларҙы бер нисә быуын яратып йырлай. Бөгөн дә улар сәхнәнән ағыла, радио каналдарҙан ишетелә, табындарҙа йырлана. Уларҙы ваҡыт һынауын үткән, ысын йыр байлығыбыҙ тип ҡабул итәбеҙ. Йырҙары аша авторҙы иҫкә алайыҡ.