“Һинән ҡолаҡ ҡаҡһам, нисек йәшәрмен был донъяла?”

Концерт менән ҡайһы районға барһалар ҙа, ауыл егеттәре сәхнәлә әкиәт һылыуындай бейеп йөрөгән ҡыҙға ғашиҡ була ла ҡуя икән. Бер ауылда Рәшиҙә апайҙы урлап булһа ла алып ҡалырға план ҡора башлайҙар. Быны һиҙенеп, концерт бөтөр-бөтмәҫтән, Рәшиҙә апайҙы, кеше күҙенән йәшертеп, төшкән фатирына алып китәләр. Концерт бөтөүгә сибәр ҡыҙ күренмәгәс, егеттәр, артистар төшкән фатирға килеп, хужаларҙан да тартынып тормай, ишекте дөбөрҙәтә башлай. Йорт хужалары эштең нимәлә икәнлеген һиҙенеп, Рәшиҙә апайҙы тиҙ арала йәшерергә ҡарар итә. Тик ҡайҙа? Баҙға? Шкаф эсенә? Һәм уйлап табалар.