Башҡорт егете немец ҡыҙын эйәртеп ҡайтҡан...

Башҡорт егете герман еренән Франциска исемле немец ҡыҙын кәләш итеп алып ҡайта. Бөтөнләй ят мөхит. Аслыҡ, яланғыслыҡ, тел белмәү... 

Кисә, 3 октябрҙә,  Салауат башҡорт дәүләт драма театрында Тәнзилә Дәүләтбирҙинаның  "Һөйөү көсө" спектаклендә һүҙ ике йәш йөрәктең мөхәббәте хаҡында бара.  Спектаклде сәхнәгә режиссер Зиннур Сөләймәнов ҡуйған.  Премьераға халыҡ зал тултырып килгәйне. 

Иркен йәшәгән немец ҡыҙы ошо ҡырыҫ мөхиткә эйәләшә алырмы? Әйткәндәй, спектакль бөгөн дә була. Немец ҡыҙының артабанғы яҙмышын үҙегеҙ ҡарағас белерһегеҙ.