"Мин был ерҙе матурларға тыуҙым"

Бөгөн Тәтешлелә иҫ киткес матур китапхана асылды! 
Заманса йыһазландырылған китап йортон асыуҙа Башҡортостан Хөкүмәте Премьер-министры урынбаҫары Урал Килсенбаев, мәҙәниәт министры Әминә Шафиҡова, мәғариф министры Илдар Мәүлитбирҙин һәм башҡа мәртәбәле ҡунаҡтар ҡатнашты.
Яңы китапханала уҙғарылған тәүге сара халыҡ шағиры Әнғәм Атнабаевҡа арналды. "Мин был ерҙе матурларға тыуҙым" исемле әҙәби кисәлә  яҙыусылар Айгиз Баймөхәмәтов, Рәмил Сурағол, Лариса Абдуллина сығыш яһаны, уҡыусыларға автографлы китаптарын бүләк итте.