Юлайҙы ла баһаланылар

Башҡорт дәүләт академия хор капеллаһы йырсыһы Юлай Муллайәнов "Башҡортостандың атҡаҙанған артисы" тигән маҡтаулы исемгә лайыҡ булды. Оло бүләгең менән тәбрикләп, сәләмәтлек, бәхетле тормош, уңыштар теләйбеҙ. "Шоңҡар"ҙар.

Ҡайһы берәүҙәр Юлай Миңлебай улын белмәүе лә бар. Үкенескә ҡаршы, хор капеллаһында йырлағандарҙы бик белеп бармайҙар шул. Әммә популяр булмау талантһыҙ тигәнде аңлатмай әле. Көслө, моңло тауышлы егеткә уҡытыусылары ҙур өмөт бағлай - уны опера йырсыһы итеп күрәләр. Әллә баҫалҡылыҡмы, әллә башҡа сәбәптәре бармы - Юлай икенсе юлды һайлай һәм яҙмышына һис тә үкенмәй.

Юлай Муллаянов 1968 йылдың 8 ғинуарында Әлшәй районы Ҡармыш ауылында тыуған.

1985 йылда урта мәктәпте тамамлағас, Өфөләге 63-сы һөнәрселек училищеһына уҡырға инә., «Прогресс " заводында радиомонтажсы булып эшләй.

1991 йылда Өфө сәнғәт училищеһының вокал бүлегенә уҡырға инә (Ф. Ғ. Ноғоманова класы). 1997 йылдан алып Башҡорт дәүләт академия хор капеллаһында эшләй.

Йырсының репертуарында башҡорт, рус һәм сит ил композиторҙарының хор әҫәрҙәре. Шулай уҡ башҡорт композиторҙарынан С Низаметдинов, Ш. Ибраһимов, Р. Сәлмәнов, З. Исмәғилев, Х. Әхмәтов, башҡорт халыҡ йырҙарын башҡара.