"Ул бит бер ҡатын менән ҡосаҡлаша, үбә, һин шуға ризамы?»

Башҡортостандың атҡаҙанған мәҙәниәт хеҙмәткәре Динара Ҡәйүмова сирек быуатҡа яҡын ғүмерен Мәжит Ғафури исемендәге Башҡорт дәүләт академия драма театрына бағышлаған шәхес. Ҡасандыр хеҙмәт юлын ошонда контролер булараҡ башлаған егәрле һылыуыбыҙ бөгөн театрҙың баш мөхәррире вазифаһында ең һыҙғанып эшләп йөрөй. Тормош иптәше, Башҡортостандың халыҡ артисы Әлим Ҡәйүмов менән ике ҡыҙы үҫтерә. Динараға йыш ҡына ҡыҙыҡлы һорау ҙа биреп ҡуялар. 

-  Бер мәл күрше ҡатын Әлим уйнаған спектаклгә барҙы. Ҡайтҡас, «Ул бит спектаклдә бер ҡатын менән ҡосаҡлаша, үбә, һин шуға ризамы?» – ти. «Ул бит артист, эше шул!» – тим. Күршем миңә аптырап ҡараны.