Орлоҡ тиҙерәк шытыр

Сәсер алдынан орлоҡтарҙы водород перекисында тотоу яҡшы. Ошолай эшләгәндә, улар тиҙ шыта, бактерияларҙан арына, сирҙәргә тиҙ бирешмәй. Бының өсөн: 1 стакан һыуға 1 бал ҡалағы перекись һалырға һәм, орлоҡтарҙы марляға төрөп, ошо эретмәлә тоторға кәрәк. Оҙағыраҡ шыта торғандарын (әйтәйек, петуния, кишер, петрушка, укроп орлоҡтарын) – 5 сәғәт, тиҙ шыта торғандарын – 2–3 сәғәт тоторға. Унан һуң марля төйөнсөктө таҙа һыуҙа сайҡатып алырға һәм орлоҡтарҙы ҡағыҙ салфеткаларға һалып киптерергә кәрәк.