Киптерелгән емештәр

Киптерелгән емештәр — кеше өсөн кәрәкле витаминдар, минералдар сығанағы. Унда пектин, кальций, магний, тимер, В, А, Р витаминдары күп.
Йөҙөм йөрәк мускулдарын, нерв системаһын нығыта, иммунитетты күтәрә, еңелсә эсте йомшарта.
Ҡара емеш ҡан баҫымын яйға һала, яман шеште киҫәтә, һөйәктәрҙе нығыта.
Күрәгә холестеринды төшөрә, эсәк эшмәкәрлеген яҡшырта, иммунитетты нығыта.
Инжир — температураны төшөрә, ялҡынһыуға ҡаршы көрәшә.
Финик һөйәктәрҙе нығыта, организмдың инфекциянан һаҡлау көсөн арттыра, ирегеттәргә файҙалы.