Йоҡоһоҙлоҡ йонсотмаһын

Хәҙерге тынғыҙһыҙ заманда йоҡоһоҙлоҡтан яфаланған кеше айырыуса күп. Улар араһында ололарҙың ғына түгел, йәштәрҙең һәм балаларҙың да булыуы айырыуса күңелде ҡыра.

 

Бының сәбәбе шул: төрлө сир­ҙәр һәм нервы системаһының тайпылыштары һөҙөмтәһендә йоҡо режимы боҙола, уның сифаты тү­бә­нәйә. Ҡайғы-хәсрәт, тулҡын­ланыу, ауыр һәм, кире­һенсә, ҡы­уа­ныслы ваҡиғалар ҙа кешеләрҙе йоҡонан яҙҙырыуы ихтимал.

 

Был осраҡта ни эшләргә?

 

Йоҡоһоҙлоҡто дауалау буйынса халыҡ медицинаһы саралары ла бар.

 

* Йоҡлар алдынан майлы ризыҡтарҙан баш тартығыҙ. Ә бына һуған ашаһағыҙ, йоҡоғоҙ ныҡ, тәрән булыр.

* Сәстәрҙе мәтрүшкә үләне төнәтмәһе менән йыуыу ҙа фай­ҙалы.

* Мөмкинлегегеҙ булһа, йоҡ­лар алдынан бер-ике стакан яңы һауылған кәзә һөтө эсегеҙ.

* Эсенә кипкән ҡомалаҡ һа­лынған мендәрҙә йоҡлау яҡшы һөҙөмтә бирә.

Йоҡлаған саҡта бүлмәлә күҙҙе сағылдырған электр уты яҡтыһы булырға тейеш түгел – был да тынғыһыҙлыҡ тыуҙыра.

* Йоҡларға бер үк ваҡытта ятырға өйрәнегеҙ.