Кем иң яҡшыһы булыр?

18-22 сентябрҙә уҙғарыласаҡ “Транспорт һәм төҙөлөш” беренсе Халыҡ-ара конгресы “Иң яҡшы йөк автомобиле водителе” Бөтә Рәсәй конкурсы сиктәрендә йөк автомобилдәренең ярышынан башланасаҡ.

Ике көн дауамында, 18 һәм 19 сентябрҙә, “Өфө-Арена” майҙанында Рәсәйҙең 18 төбәгенән 55 транспорт ойошмаһының водителдәре көс һынашасаҡ.

“Транспорт һәм төҙөлөш” халыҡ-ара конгресы сиктәрендә “Алға хәрәкәт” күргәҙмәһе 20 сентябрҙә асыла. Унда тармаҡтың иң алдынғы төҙөлөш һәм юл-транспорт компаниялары үҙ экспозицияларын тәҡдим итәсәк. Күргәҙмә майҙаны 17500 квадрат метр тәшкил итә.

Өфөлә йәшәүселәр һәм ҡунаҡтар 21 компанияның 70 берәмек техникаһы менән танышасаҡ. Ошонда уҡ ретроавтомобилдәр ҙә урын аласаҡ.

"Конгресс паркы"на 20-21 сентябрҙә 09.00 – 19.30 сәғәттәрҙә килергә була. Инеү бушлай. Юл схемаһы сайтта күрһәтелгән: https://ufa-congress.ru.

22 сентябрҙә конгресс саралары Нефтекамала дауам итәсәк.

Фото: "Башинформ".