Етегәндең булғым килә етенсеһе.
Бер ҡулымдан дуҫ-йондоҙом тотһа,
Шулай ҡалыр инем мәңге Йондоҙ булып.
Теләк телә – тормошҡа ашыр,
Ҡала алмайым бүтән һинең менән.
Мин сығам... Ишекте ас...
Йөрәгемде ҡалдырҙың яланғас.
Йәшәй алмам инде ут йотоп.
Һин – ситлек, ә мин һинең
Тотҡоноңда янған аҫыл ҡош.
Ҡайт үҙеңә... Тыуған йорттоң бер шәме лә
Бөтә ҡояштарҙан мең артыҡ.
Ирене ҡар, баҫып упҡынға.
Устарымда ҡалды ҡайнар тамсы,
Эҫеһенән ҡалтырап өшөнөм.
Бер тамсыһы ине йәшемдең...
Үтерҙәр тип бөтә кәртәләрҙе емереп.
Яңы ҡанат ҡаҡҡан ҡошсоҡ бит беҙ,
Һындырмағыҙ ҡанаттарҙы, һындырмағыҙ!
Ҡаршыларға ине әле йәйҙе,
Татыманыҡ әле һөйөү тәмен,
Бер минутҡа туҡтатығыҙ Ерҙе...
Көтмәгәндәр, ахыры, беҙҙе бында.
«Саҡырылмаған ҡунаҡ» мөһөрө маңлайҙарҙа.
Мәжлес, табындарҙа беҙ – урынһыҙҙар.
Торлаҡ тапмай интеккәндәр
Үҙенә алмай донъяларҙың береһе лә.
Барыһы бер беҙгә – ағы, ҡараһы...
Йондоҙҙар атылған төндә...
Ябай түгел – йондоҙ ямғыры.
Хыялыйҙар теләк теләнеләр,
Барлыҡ донъя нурға сумды,
Һәм беҙ остоҡ, икәү, йондоҙҙарға
Йыһаныбыҙ өсөн Ерҙе ҡалдырып.
Йондоҙҙарҙы һүндерҙең берәмләп.
Йыһаныбыҙ сумды ҡараңғыға,
Яҙмышыбыҙ – күңелһеҙ әкиәт.
Ярсыҡтарын йыям йондоҙҙарҙың
– Ҡайтыр өсөн ҡабат Йыһанға.
Елкәмдә ултыра ҡара шәүлә.
Һәр аҙымым – һынау, ауыр кәүҙә.
Битһеҙ кешеләр килә ҡаршыма.
Йөҙҙәре юйылған һәм мөһөр һуғылған.
Хужа түгелдәр үҙ тәндәренә,
Йөрәгендә булған боҙ ярсығын
Ҡаршыма килә, килә битһеҙҙәр.
Кеше булғанһығыҙ бит һеҙ ҙә!..
Биттәр араһынан эҙләп үҙемде.
Аяҡ остарында баҫып күләгә
Айҙы тибеп төшөрҙө төн күгенән.
Ҡосағына алды Ер шарын ҡараңғы.
Һағынып Айын Йыһан иланы.
Игеҙәген юғалтҡан Ҡояш, һағышынан
Ҡалҡмаҫ булды тау артынан.
Йондоҙҙар инде һүнгән ине.
Ҡайнар ҡаҙандан ҡулдар тартыла.
Күҙҙәре тоноҡ, кәүҙә яртылаш.
«Әйҙә ҡайтайыҡ! Әйҙә ҡайтайыҡ! Әйҙә ҡайтайыҡ!»
Шул саҡ төбәлде бер төпһөҙ күҙҙәр.
Ҡараңғылыҡта йәнде йән күрҙе.
Йөрәк ишетте башҡа йөрәкте:
«Был ҡараңғылыҡ – һинең өй түгел.
Ҡулыңды һуҙма. Бар йүгер, йүгер!»
Тәнемде тотоп, йәнем йүгерҙе,
Ҡайнар ҡаҙандан һоҫоп ғүмерҙе.
Яҡтыға килдек: мин, тәнем, күңел...
Тик йәнемә төндә тынғы бирмәй: