Күҙҙәремдән бөгөн йәштәр тамһа,
Тып-тып итеп һинең усыңа,
Инәй, зинһар, уйлап ҡуйма инде
Ҡайғы төшкән, тиеп ҡыҙыңа.
Был хистәрем шулай ирей, инәй,
Ә йәштәр тама кемуҙарҙан,
Ергә тамсы иреп төшкән кеүек
Ҡыйыҡтарҙа торған боҙҙарҙан.
Тамсы-тамсы булып тама хистәр...
Йылы, наҙлы нуры менән яҙҙа
Әллә инде, инәй, мөхәббәтме?!
Шундай йәшерен бер мөхәббәт...
Әллә ысын, әллә бер нимә юҡ...
Күҙгә салына был әкиәт?..
Хистәр йәштәр булып иреп тама...
Инәкәйем, аңлат әле миңә,
Нимә миндә яҙҙы ҡуптарҙы?
Үҙгәргән,яңырған... Үлгән...
Күптәр үҙгәрҙе... Сәбәбен
Иренеңдә ҡатҡан ҡалтырашып,
Һүҙҙәр (туҡтап ҡалған аптырашып)
Үҙеңдең дә күңелеңде ашай,
Минекен дә дауылдарға ташлай.
Был йыһанда һиңә урын юҡ, тип әйтһәм,
Китәм тиһәм ташлап яуыз елдәргә һәм
Ҡан өшөткөс һыуыҡ бурандарға –
алдарыма диуар булып ҡалҡып...
тимер ҡандал булып аяҡ-ҡулымда...
Тик... ебәрмә мине яныңдан!..
Китеп барам шығыр-шығыр...
Әйтер һүҙҙәр бөтөнләй юҡ...
Ҡәләм яҙа һиңә сәләм...Туҡ...туҡ...
Күп нөктәләр... юҡ, өтөрҙәр...
Алтын сәсле батырымды ҡосоп,
Осоп килдем зәңгәр һауаға.
Кескәй генә ҡулдарынан тотһам,
Хыял ҡанаттарым үҫеп сыға.
Әйтерһең дә, мин бер тылсымсы –
Зәңгәр һауа итеп буяп ҡуйҙым
Ул самолёт минең устарымда
Шул балаҫтың һүрәттәрен уға
Бөтә донъя итеп күрһәттем.
Ул йылмайһа, көлһә ихласланып,
Бар Ер шарын урап үтербеҙ беҙ,
Ә әлегә осабыҙ беҙ, өйөм гиҙеп,
Ап-аҡ мейесте мең ҡат урап.
Ситтә инәһе йылмайып тора,
Уға бәхетле бала саҡ юрап.
Ҡояш балҡығанда йондоҙ эҙләп,
Йондоҙҙарҙа күҙләп ҡояшты,
Эҙләгәнен таба алмай ҡалғас,
Бәхет юҡ, тип берәү алдашты.
Сәскә булһа әгәр һалҡын ҡышта,
Ҡарҙар яуһа әгәр йәйҙәрҙә,
Иң бәхетле булыр инем, тине,
Булыр инем, тине, әгәр ҙә...
Бәхет нурым ҡалған үткәндәрҙә...
Киләсәктә көтә бәхетем...
Ниңә бөгөн йәшәмәйһең, тинем,
Бәхетеңдең тойоп рәхәтен?
Бәхеттең бит үҙ миҙгеле булмай,
Артыҡ сәбәп уға кәрәкмәй.
Өркөтөрһөң уны тотам тиһәң –
Бәхет бер гүзәл күбәләктәй.
Һәр кешенең күңеленә ҡуна
Был күбәләк Ергә тыуғас та.
Нескә күңеллеләр уны тоя,
Ә иҫәрҙәр эҙләй һаман да.
Бәхет ята һинең күңелеңдә,
Ыҙаланма эҙләп сит яҡтан.
Тоя белеп өйрәнергә кәрәк,
Тик шунда бәхетле атыр таң.
Тоя белһәң бәхет-күбәләктең
Тын алышын, ҡанат ҡағышын,
Эй, күңелең, шашыр, күккә ашыр
Онотоп бар булған һағышын!
Һәр бер көндә, һәр бер ваҡиғала
Күрә белһәң әгәр матурлыҡ,
Бәхетеңде тоя беләң, тимәк,
Һиндә йәшәй, тимәк, яҡтылыҡ!
Иң ҡурҡыныс төштәреңде бирсе миңә,
Бирсе миңә, зинһар, һағышың,
Үкенеүҙәр, йөрәк әрнеүҙәргә ҡуша
Шик-шөбһәлең бирсе, ялғышың...
Һин бары тик, йөрәккәйем, тыныс булсы,
Һин бары тик, иркәм, моңайма.
Ҡояш кеүек янып, балҡып тора инең,
Оҡшағанһың хәҙер һин айға...
Ҡара төндәреңдә үҙең генә
Үҙ төнөңдө үҙең яҡтыртаң.
Теләйеңме һинең йондоҙҙарың булам?
Булам! Әгәр үҙең булдыртһаң.
Болоттарың, зинһар, ситкә ҡыуаласы -
Ә төнөңдө икәү яҡтыртырбыҙ, иркәм.
Бары тик һин, зинһар, бул тыныс.
Һинең өсөн генә ҡурҡыныс...
Ҡояштың һәр бер нурын мин
Кис һайын күккә ҡарап мин
"Эх! Бер осормон!" тимен.
Инәкәйем, ғәфү итсе ҡыҙың.
Ғәфү итсе, рәнйетһәм юҡҡа.
Йүләр ҡыҙың һине тыңламаһа,
Тынғыһыҙлыҡ мине этә-төртә
Алып киткән һинән алыҫҡа.
Был тормошта үҙ урыным өсөн
Сығып баҫтым, инәй, алышҡа.
Бул терәгем минең, бул табибым
Бул һин рухым минең еңелгеһеҙ,
Көсһөҙлөктән йәнем аралар.
Аңла, инәй, мин мохтажмын һиндә,
Мохтаж кеүек әҙәм һауаға.
Ҡыр типмәсе ҡыҙың, үпкәләмә,
Инәкәйем, ғәфү итсе ҡыҙың,
Баштарымды һалып устарыңа
Бер ятырға ине, бер генә.
Шунда һин дә сәстәремдән наҙлап
Аңлашмауҙар булһа арабыҙҙа,