Ҡиәмәт көнө алдынан ирҙәрҙең һаны кәмер, ҡатын-ҡыҙҙарҙың һаны, киреһенсә, артыр, тигәнде ишеткәнем бар. Был ысынлап та ла шулаймы? Бөгөн тап шундай һүрәт... Был ҡиәмәт көнө алдының бер билдәһеме?
Рәмил хәҙрәт: “Әбү Муса риүәйәт ҡыла: “Рәсүлүллаһ (с.г.в.): "Әле һин ирҙәрҙең һаны кәмеп, ҡатын-ҡыҙҙарҙың ишәйеп китеүен һәм бер ир-ат артынан ҡырҡ ҡатын-ҡыҙ йөрөгән ваҡытты күрерһең", – тине.
Һеҙгә үҙем Рәсүлуллаһтан ишеткән бер хәҙисте әйтәһем килә: "Ҡиәмәттең яҡынайыуын күрһәтеүсе билдәләрҙең береһе шул булыр: Ислам диненә иғтибар кимер, ике йөҙлөлөк көсәйер, зинасылыҡ артыр һәм ир-аттарҙың һаны кәмер, ҡатын-ҡыҙҙарҙың һаны күбәйер, хатта илле ҡатын-ҡыҙға бер генә ир-ат тура килә торған булыр".