Ҡөрьән һабаҡтары: Ғаилә һәм никах

Ҡөрьән һабаҡтары: Ғаилә һәм никах

- Ғаилә ҡороуҙы һуңлатырға тырышмағыҙ, - тигән пәйғәмбәр ғәләйһис-сәләм.

Хәҙис Шәриф

“Ысынын ғына әйткәндә, йәш ҡыҙҙар улар ағасында өлгөрөп еткән емешкә оҡшаш. Емеште ваҡытында йыйып алырға өлгөрмәһәң, ҡояш нурҙарында шиңеп, елдәр ихтыярына юлығып, улар юҡҡа сыға. Өлгөрөп еткән ҡыҙҙар ҙа кейәүгә сығырға тейеш. Шулай булмағанда боҙолоп китеүҙән уларҙы ла һаҡлап ҡалыусы табылмаҫ. Ҡыҙҙар ҙа бит ғәҙәти кешеләр. (Кешеләрҙә булып ҡына торған тәбиғи һыҙаттар – хис һәм дәрт уларҙа ла бар.)”

***

Йәш сағында өйләнеп ҡалған үҫмер шайтандың үҙен борсоуға һала: “Никахҡа инеп бит был үҫмер иманының өстән бер өлөшөн минән һаҡлап ҡалды. Минең өсөн был бит бәлә!” –тиер ул.

“Эй, йәш егеттәр! Мөмкинлек тыуыу менән өйләнегеҙ! Өйләнеү һеҙҙе төрлө ҡотҡолрҙан һаҡлап ҡалыр, тәбиғәтегеҙҙе енси аҙғынлыҡтан ҡотҡарыр”.

***

“Аллаһ рәхмәте менән күк ҡабығы асыла торған дүрт төрлө сәбәп бар: ямғыр яуғанда, сабый баланың күҙҙәре ата-әсәһенә ҡарап торғанда, ҡәғбә ишектәре асылғанда һәм никах уҡылғанда”.