ЯМҒЫР ҺОРАП ӘЙТЕЛӘ ТОРҒАН ДОҒАЛАР

Ошо доғаларҙы әйтеп йөрөйөк! Бигерәк тә доғалар ҡабул була торған ваҡыттарҙа һәм урындарҙа ҡылайыҡ! Бөтә был доғалар сахих хәҙистәрҙән алынған.

 «Аллааһү́ммәс-ҡинәә ға́йҫән мүғииҫән мәрииьән мәрииғән нәәфиғән ға́йра дааррин ғәәҗилән ға́йра әәҗил».

.اللَّهُمَّ اسْقِنَا غَيْثاً مُغِيثاً مَرِيئاً مَرِيعاً، نَافِعاً غَيْرَ ضَارٍّ، عَاجِلاً غَيْرَ آجِلٍ

Мәғәнәһе: «Эй Аллаһ! Беҙҙе ҡотҡарыусы, яғымлы, уңдырышлы, файҙалы, зыянһыҙ, һуң түгел, хәҙер яуа торған ямғыр менән һуғара күр!»

 «Аллааһү́ммә әғи́ҫнәә, аллааһү́ммә әғи́ҫнәә, аллааһү́ммә әғи́ҫнәә».

.اللَّهُمَّ أَغِثْنَا، اللَّهُمَّ أَغِثْنَا، اللَّهُمَّ أَغِثْنَا

Мәғәнәһе: «Эй Аллаһ! Беҙгә [ямғыр менән] ярҙам итә күр! Эй Аллаһ! Беҙгә [ямғыр менән] ярҙам итә күр! Эй Аллаһ! Беҙгә [ямғыр менән] ярҙам итә күр!»

✅ «Аллааһү́ммәс-ҡи ғибәәдәкә уә бәһәәьимәкә уән-шүр ра́хмәтәкә уә әхйии бә́ләдәкәл-мә́ййит».

.اللَّهُمَّ اسْقِ عِبَادَكَ، وَبَهَائِمَكَ، وَانْشُرْ رَحْمَتَكَ، وَأَحْيِي بَلَدَكَ الْمَيِّتَ

Мәғәнәһе: «Эй Аллаһ! Бәндәләреңде һәм йәнлектәреңде һуғара күр! Һәм Үҙ рәхимлелегеңде йәйә күр һәм мәйет булған ереңде терелтә күр!»

❗ «Әстәғфирул-лааһә уә әтүүбү иләйк» («Аллаһтан ярлыҡау һорайым һәм Уға тәүбә итәмен!») тип истиғфар әйтеп, тәүбәләр ҡылып тороу хаҡында ла онотмайыҡ!