Мосолман ниңә уң ҡабырғала йоҡларға тейеш?

Мосолман өсөн уң ҡабырғала йоҡлау фарыз. Пәйғәмбәр шулай ятырға ҡушҡан. Бынан тыш, ошо рәүешле йоҡлау эске ағзаларҙың яҡшыраҡ эшләүенә булышлыҡ итә.

Медицина өлкәһендәге фәнни тикшеренеүҙәр раҫлауынса, организмдың һаулығына булышлыҡ иткән идеаль йоҡо - ул, хәҙистә телгә алынғанса, уң яҡ ҡабырғала йоҡлау. Билдәле булыуынса, кешенең һул үпкәһе уңынан бәләкәйерәк, шуға күрә ул уң ҡабырғаһында йоҡлаһа, йөрәккә көс аҙыраҡ төшә. Шул уҡ ваҡытта уның бауыры тотороҡло хәлдә буласаҡ, ә ашҡаҙаны уның өҫтөндә уңай ятасаҡ.

Йөрәгебеҙгә ҡараһаҡ, ул аҫтан аҙ ғына һулға бөгөлгән, өҫтән ун градусҡа уң яҡҡа ауыш. Шулай итеп, уң ҡабырғала йоҡлау ҡанға йөрәктең һул яғынан тәндең башҡа өлөшөнә ағыуға булышлыҡ итә. Был йөрәкккә ял бирә.

Фото: https://ru.committed-to-kids.com

"Башҡортостан" гәзите сайтынан.