Шоңҡар
+23 °С
Ясна
Бөтә яңылыҡтар
Ижад кухняһы
4 Сентябрь 2021, 08:45

Айгиз Баймөхәммәтовның татар телендәге өченче китабы басылып чыкты

«Язучылар борын-борыннан халыклар арасында төп арадашчы булган. Айгиз бик сирәк башкорт язучыларының берсе. Ул бөекләрнең традицияләрен дәвам итә дип исәплим. Казанда ХХ гасырда Мостай Кәрим кебек зур язучылар кунак булса, бүген Айгиз кебек гаярь егетебез шушы юлны дәвам итә», — диде Газинур Морат.

Айгиз Баймөхәммәтовның татар телендәге өченче китабы басылып чыкты
Айгиз Баймөхәммәтовның татар телендәге өченче китабы басылып чыкты

Айгиз Баймөхәммәтовның татар телендәге өченче китабы басылып чыкты

Казанда китапны тәкъдим итү чарасында автор үзе дә катнашты.

 (Казан, 3 сентябрь, «Татар-информ», Рузилә Мөхәммәтова). Бүген Татарстан Язучылар берлегендә «төрки дөньяга Мостай Кәрим белән бер үк дәрәҗәдә билгеле булган» башкорт язучысының татарча китабы тәкъдим ителде. Татар язучылары Айгиз Баймөхәммәтовка шундый бәя бирде.

 Айгиз Баймөхәммәтовның татарча өченче китабы — «Нахак» җыентыгы «Казан утлары» китапханәсе» сериясендә алтынчы китап буларак басылды.

 Китапны тәкъдим итү чарасында автор үзе дә катнашты. Китапның беренче экземплярын Айгиз Баймөхәммәтовка «Татмедиа» акционерлык җәмгыяте генераль директоры Шамил Садыйков тапшырды.

«Синең китапны чыгару идеясе — Шамил Садыйковтан. „Татарлар да бик яраткан, бик популяр язучы бар икән. Шуны чыгарыйк әле“, диде», — дип сөйләде «Казан утлары» ның баш мөхәррире Рөстәм Галиуллин.

«Казан утлары» нда Айгиз Баймөхәммәтовның «Урам балалары» повесте басылып чыккан иде. Яхшы әсәр шуннан беленә — ул хаталы була. Чөнки корректор да, редактор да әсәрнең эченә кереп китәләр дә, хаталарын тота алмый башлый. Икенчедән, яхшы әсәр чыккач кайтавазлар — шалтыратулар башлана. Бу китабының да популяр булуына шигебез юк», — диде ул.

 Ул мондый серияне ачып җибәргәне өчен «Татмедиа» га рәхмәт әйтте. «Безнең басымга бирешмичә укыла торган әсәрләр чыгарыгыз», — диде ул.

 «Язучылар борын-борыннан халыклар арасында төп арадашчы булган. Айгиз бик сирәк башкорт язучыларының берсе. Ул бөекләрнең традицияләрен дәвам итә дип исәплим. Казанда ХХ гасырда Мостай Кәрим кебек зур язучылар кунак булса, бүген Айгиз кебек гаярь егетебез шушы юлны дәвам итә», — диде Газинур Морат.

 Ул Айгиз Баймөхәммәтов әсәрләренең татар әдәбиятының да байлыгы булуын ассызыклады. «Синең кебекләр Уфа-Казан юлына чирәм үстермәсләр, иншалла», дип мөрәҗәгать итте ул язучыга.

«Айгиз безнең якташ — Белорет районыннан, Абзаково ягыннан. Ул минем өчен бик якын кеше», — диде ТР Халыклар дуслыгың йортының Татарстан башкортлары җәмгыяте җитәкчесе Тимур Кустабаев. Ул якташына уңышлар теләде.

 Мөслимнән килгән татар китаплары сатучы эшмәкәр Рамилә Дәүләтова Айгиз Баймөхәммәтовның китабы бик тиз сатылып бетәчәгенә ышаныч белдерде. Халык язучысы Разил Вәлиев, язучылар Хәбир Ибраһим, Рәкит Аллабирде, Нәҗибә Сафина һәм башкалар да Айгизне яңа китабы белән котладылар. Кичәне Рафис Корбан алып барды.

 Моңа кадәр төрле елларда Айгиз Баймөхәммәтовның «Калдырма, әнкәй» һәм «Урам балалары» дигән китаплары татар телендә чыккан иде.

 

 

Автор:Венер Исхаков
Читайте нас: