Ауылда кәм-хур булып йөрөмәгеҙ

Күптән үк ҡалаға килмәй

Ауылды мәңге күрмәһәм дә бәхил тип өйҙәге бер ҡаҙҙы сәлдереп күршегә осорҙом да, юллыҡ аҡса эшләп, ҡалаға сығып тайҙым. Ике сәғәттә Өфөлә инем. Килеп етеүем булды, туҡталышта ат башындай итеп “Баба Оля һеҙҙең өсөн – фәрештә, тигән яҙыу күҙгә салынмаһынмы! Туҡта, туҡта, ниндәй изге әҙәм икән? “Тормошта бөтә насар нәмә күҙ тейеүҙән килә. Мин бөтә донъя халҡын һеҙҙе күрмәйенсә лә дауалай алам, барлыҡ бәләләләрҙән ҡотҡарам. Ирегеҙ ташлап китһә, яттарға эйәләшһә, кире ҡайтарам. Бай кейәү табырға ярҙамлашам. Миңә хатта президенттар ҙа мөрәжәғәт итә”, - тигән юлдарҙы уҡыным да шаҡ ҡаттым. Ҡайһылай шәп булды әле. Беҙгә лә алама күҙҙәр тейгән. Әтеү хәҙер әллә нисәмә бисәм ҡыуып сығармаҫ ине, ошо йәшемә етеп үҙемдең өйөм дә юҡ. Тимәк, бер ғәләмәте бар бының, тәк зерәгә түгел. Хатта бит ҡалаға кейеп китергә туфлийым да юҡ ине. Әлеге лә баяғы күршеләрҙекен шым ғына алып тайҙым. Хәҙер үк дауаланыр инем дә тик бына аҙағына “500 һум аҡсаны ошо адрес буйынса күсерегеҙ” тип яҙылған шул. Ул тиклемде ҡайҙан алайым? Әле бына эстә ас бүреләр олой башланы. Шулай тип аптырап торғанда йәнә бер ҡағыҙ киҫәге күренде. Әһә “Работа” тип яҙғандар. Тиҙ генә уҡый һалам. Айына 50 – 80 мең һум тиелгән. Эштән ҡурҡҡан юҡ та ул. Бер тотонһам, донъяһына ҡыйратып эшләйем. Ҡара әле, бигерәк шәп тә. Бер айҙан һуң ауылға яҡшы иттереп кейенеп, ҡып иттереп ҡунаҡҡа ла ҡайтырмын. Танымай ҙа торорҙар әле. Ул ваҡытта ҡатыным әсәйемдән үҙе, ҡайт инде, тип инәлеп килеп аласаҡ. Аҙаҡ бер яртыһын да сығарасаҡ.

Унан тағы бер иғланды күреп ҡалдым. Үҙем “Кредит кәрәкме? 15 миллион һумға ҡәҙәр бирәбеҙ. Бары паспорт ҡына кәрәк. Хәҙер үк, һуңлама!” - тигән һүҙҙәрҙе уҡыйым, үҙем был өнөммө, төшөммө икән тип уйлайым. 15 миллион һум! Хәтәр күп тә ул. Ауылда әсәйемдән эт ишетмәгәнде ишетеп, тәмәкелек тә аҡса ала алмаһам, бында ете ят кешеләр үҙҙәре, мә, килеп алып, тип өҙөлөп кенә тора. Был аҡсаға хәҙер үк фатир һатып аласаҡмын. Бәй, тағы бер яҙыу тора түгелме? Шулай шул. Сер яланғас ҡыҙҙар төшөрөлгән. “Төнгөлөккә ҡунаҡҡа саҡырабыҙ. Бер төн бер мең тора…” Эсемә йылы йүгерҙе.

Бына шулай дуҫтар! Ҡалала яман шәп икән. Ҡайһылай шәп булды әле! Күптән үк ҡалаға килмәй. Тиккә генә аяҡтан баҫҡаны, арттан ултырғаны ҡала тип сапмаған икән. Тота килеп ҡаланы яманлаған булалар, имеш, улар асфальт кеүек ҡаты бәғерле, фәлән дә төгән. Һис тә дөрөҫ түгел. Бер ауылда шундай яҙыу эҙләп ҡара! Шиш табырһың! Дуҫтар, һеҙ ҙә хәҙер үк ҡалаға һыпыртығыҙ. Ауылда кәм-хур булып йөрөмәгеҙ. Тура туҡталышҡа килегеҙ, йәме!

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622