Әкәмәт

Ауылыбыҙҙа бик шаян Мәҙис исемле егет бар ине. Хаҡлы ялға сыҡҡансы шофер булып эшләне. Машинала эшләүенә ҡарамаҫтан, Башҡорт дәүләт университетында журналислыҡҡа уҡып йөрөгәне лә хәтеремдә.
Беренсе сессияға килгәс, имтихан ваҡытында өҫтәмә һорауҙарға яуап бирә алмаған. Доцент, уның шофер икәнен белгәс, икенсе аҙнала машина менән килеүен һораған.
Машинаға запчастар алам тип, Мәҙис, колхоз рәйесен алдап, Өфөгә шылған. Доценттың баҡсаһына һыу һауыты кеүек әйберҙәрен илтеп, «икеле»һен төҙәтеп ҡайтҡан.
Яҙ көнө икенсе сессияға килгәс, егетебеҙ ҡабат ауыр хәлдә ҡалған. Доценттың машина хаҡында биргән «өҫтәмә» һорауына Мәҙис:
– Мин хәҙер машинала эшләмәйем, зыяратта ҡәбер ҡаҙыусы, – тип яуап ҡайтарғас, уҡытыусы егетте йәлләгән, күрәһең, «өслө» ҡуйып сығарған.

Бер текә генә эшҡыуар бәләкәс кенә улы менән "Салауат Юлаев"тың матчына барған, ти. Хоккейсылар берәм-берәм боҙ майҙанға сыға башлағас, теге малай ҡысҡырып тороп:
– Атттаааай, ә пащиму уларҙың арҡаларында хаҡтары яҙылып бөткән ул?! - тимәһенме.

Фото: https://yandex.ru/images/search?text=парень%20на%20машине%20в%20грузовом%20едет%20юмор&from=tabbar&p=5&pos=238&rpt=simage&img_url=https%3A%2F%2Fi4.imageban.ru%2Fout%2F2016%2F03%2F09%2F66877bf78776932640c8fcca2b91c81b.png&rlt_url=https%3A%2F%2Fcache3.youla.io%2Ffiles%2Fimages%2F780_780%2F5d%2F2d%2F5d2d879e93800092cf2f4c85.jpg&ogl_url=https%3A%2F%2Fi4.imageban.ru%2Fout%2F2016%2F03%2F09%2F66877bf78776932640c8fcca2b91c81b.png