Илгиз Латипов "Батырлыҡ" орденына лайыҡ булды!

Егет яуҙа һынала, ти халыҡ мәҡәле. Яҡташтарыбыҙ ҡайҙа ла, ҡасан да һынатмай. Ғафури районы Сәйетбаба ауылының затлы нәҫелдәренең береһе - Латиповтар ҙа ғорурланырлыҡ ир-егеттәр үҫтерҙе.
Амур өлкәһендә йәшәгән хәрби яҡташыбыҙ Илгиз Шамил улы Латипов "Батырлыҡ" орденына лайыҡ булды! Батырлыҡ ордены  — Рәсәй Федерацияһының дәүләт наградаһы. Рәсәй Федерацияһы Президентының 1994 йылдың 2 мартындағы «Рәсәй Федерацияһының дәүләт наградалары тураһында» 442-се Указына ярашлы булдырыла.
Илгиз Шамил улы ике тапҡыр СВО-ға барып ҡайтҡан. Хәләле менән өс ул тәрбиәләйҙәр. Кеселәре аталары СВО-ла саҡта тыуған, уға исемде Илгиздең былтыр йәшләй мәрхүм булған данлыҡлы тренер, көрәшсе Камил Әхтәм улы Латипов хөрмәтенә ҡушҡандар.

Сығанаҡ: "Табын" гәзите.