Янғында 39 йәшлек ҡатын һәләк булған

Әбйәлил районында янғында бер ҡатын һәләк булған. 27 мартта кис Амангилде ауылында Ҡыҙыл урамындағы бүрәнәле йортта янғын сыға. Ирекле янғын һүндереүселәр командаһы утты һүндерә. Ҡыҙғанысҡа ҡаршы, янғын ваҡытында һәләк булған 39 йәшлек ҡатын табылған. Янғын мейесте файҙаланыу ҡағиҙәләрен боҙоу арҡаһында килеп сығыуы ихтимал. Урында Рәсәй ғәҙәттән тыш хәлдәр министрлығының тәфтиш-оператив төркөмө һәм дознавателе эшләй.