Халыҡтың һаулығын хәстәрләп

Нефтекама ҡалаһының бала табыу йорто янында вертолет майҙаны төҙөләсәк, сөнки пациенттарҙы йыш ҡына  баш ҡала дауаханаларына илтергә кәрәк була. 

– Медицина учреждениеһында вертолет майҙаны – ҙур күләмле эш, уны төҙөү өсөн ваҡыт та, аҡса ла кәрәк. Барыһын да тиҙ генә булдыра ла алмаҫбыҙ, сөнки бөтә  төп средстволар дауалау-диагностика эшмәкәрлегенә китә. Әммә беҙ яңғыҙ түгел, ҡала хакимиәте, депутаттар корпусы, эшҡыуарҙар ярҙам итергә әҙер, – ти Нефтекама дауаханаһының баш табибы Морат Афзалов.

Был сара Рәсәй Президенты Владимир Путиндың “май” указдарына ярашлы, һаулыҡ һаҡлау тармағы алдында торған ошо бурыстарҙы тормошҡа ашырырға кәрәк: хеҙмәткә һәләтле йәштәге халыҡтың үлемен  кәметеү, шулай уҡ яман шештәрҙән үлем күрһәткестәрен  аҙайтыу, сабыйҙар үлемен кәметеү,  һәр кемдең тәүге медицина ярҙамынан файҙаланыу мөмкинлектәрен арттырыу.

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан