Яҙыусының ҡыҙы вафат булған

Яҙыусы Яныбай Хамматовтың ҡыҙы Гүзәл Хамматова арабыҙҙан китте. 

 Гүзәл Яныбай ҡыҙы 1953 йылдың 28 октябрендә тыуа. 1976 йылда Башҡорт дәүләт университетын тамамлай. Артабан Башҡортостан дәүләт педагогия институтында, ә 1988—2008 йылдарҙа Өфө юридик институтында уҡыта.

Атаһының «Хәсрәтле бала саҡ» (2002), «Салауат батыр» (2004), «Ағиҙел Иҙелгә ҡоя» (2007) һәм башҡа романдарын, Р.Т. Бикбаевтың «Рәми» (2008) китабын, Ф.Ә. Исхаҡова, Б.Ноғоманов, Ғ.Б. Хөсәйенов, М.Ә. Әхмәтшин, Г.М. Яҡупова, Л.М. Яҡшыбаева һәм башҡа башҡорт яҙыусыларының әҫәрҙәрен урыҫ теленә тәржемә итә.

Гүзәл Яныбай ҡыҙының 50 тирәһе фәнни һәм уҡытыу-методик хеҙмәте бар.