Плүс, Минус исемле малайҙар

Баймаҡ районы Ғүмәр ауылында була был мәрәкә.  Ғәйнислам олатайҙың бер-бер артлы ике ейәне тыуған. Береһенә - Филүс, икенсеһенә Динис тип исем ҡушалар. Күршеләре ейәндәренең исемен һорағас, олатай:

-Береһе Плүс, икенсеһе Минус, -тип яуаплаған.

Хәҙер ҙә Филүс, Динис исемле малайҙарҙы Плюс, Минус тип мәрәкәләтергә яраталар.

* * *

Ғүмәр ауылынан ике малайҙы атаһы Баймаҡҡа сөй алырға ебәргән. Малайҙар Баймаҡҡа барып еткәнсе сөйҙөң руссаһын онотҡан. Береһе шунда ҡапыл ғына:

- Дайте килограмм гнездо, - тип һорап ҡуйған.

Хәҙер ҙә ғүмәрҙәр “магазиндан берәй килограмм гнездо барып алайым әле”, - тип мәрәкәләшә.

 Миләүшә Юлдашбаева.