Тәбиғи аспирин

Тәбиғи аспирин
Ҡан ҡуйырһа, уның әйләнеше боҙола. Был иһә, үҙ сиратында, ҡан тамыры варикозына, тромбозға, инсультҡа килтереү хәүефен арттыра.
Әгәр табип сираттағы анализдан һуң (ә ҡанды йылына бер тикшертеп тороу кәрәк) ҡандың ҡуйырыуын әйтһә, паникаға бирелмәгеҙ, тәбиғәт биргән дарыуҙарға мөрәжәғәт итегеҙ.

Мәҫәлән, ҡурай еләге һуты эсегеҙ. Бының өсөн йылымыс бер стакан һыуға ҡурай еләге ҡайнатмаһын йәиһә туңдырылған ҡурай еләген һалып бутап йоҡлар алдынан эсергә кәрәк.
Уның составында aцeтилcaлицил киcлoтаһы, шулай уҡ калий бар. Аспирин - ҡанды шыйығайтһа, калий уның ойошоу тиҙлеген кәметә.

"Рәхмәтлемен" төркөмөнән.

Фото - асыҡ сығанаҡтарҙан.