Ҡазан университеты ректоры Илшат Ғәфуровҡа мәңгелек төрмә янаймы?

 Ҡазан федераль университеты ректоры Илшат Ғәфүровтың ҡулдарына бығау һалып шунда уҡ Мәскәүҙең Басман судына алып китеп рәшәткә артына тығып ҡуйыуҙары барыбыҙға мәғлүм инде. Был күренеште йәмәғәтселек төрлөсә ҡабул итте: берәүҙәре, шул кәрәк уға, университетта туған телде  бөтөрөүгә ҙур өлөш индерҙе тиһә, икенселәре, беҙҙең халыҡ шул инде, бер-беребеҙҙе батырырға әҙер торабыҙ, тигән фекерҙәрен белдерҙе.

Татарстандың Дәүләт Советы депутаты Илшат Ғәфуров енәйәтсел ойошма аша кеше үлтереүҙә ғәйепләнә.  1999 йылдың 29 авгусында Яр Саллылағы «29-сы комплекс» енәйәтсел төркөмөнөң лидерҙары  Мәскәүҙә Алабуға ҡала советы депутаты Айҙар Исрафиловҡа атып ғүмерен өҙә. Был енәйәт Илшат Ғәфуровтың заказ буйынса ҡылынған тип белдерәләр. 

Ғәфүровтың енәйәте раҫланһа, уны ғүмерлеккә төрмәгә ябыуҙары ихтимал.