ЯРАТҠАН КЕШЕ ТАУ АҠТАРА, ТИҘӘР...

Әлеге мәлдә Мостай Кәрим исемендәге Милли йәштәр театрында төрөк драматургы Нәзим Хикмәттең «Мөхәббәт тураһында легенда» әҫәре буйынса спектакль әҙерләнә.
Был ғәжәп тарих ябай һүрәт төшөрөүсенең солтан ҡыҙына ҡарата мөхәббәте, туғаның өсөн үҙеңде ҡорбан итеү, үҙ халҡың хаҡына батырлыҡ
тураһында. Уларҙың барыһын күтәреү кеше хәленән киләме? Килә, әгәр яратһаң. Эйе, һинең өсөн һөйөү – тойғо ғына түгел, һәләт тә булһа. Спектакль, мөхәббәт юлына бер баҫҡас, аҙаҡҡаса шул юлдан барырға кәрәклек хаҡында. Премьера 4,5 мартҡа тәғәйенләнгән.
Ҡуйыусы режиссер – Олег Иванов, рәссам – Лилиә Хисмәтуллина, композитор – Илшат Яхин, Алексадр Карташов, бейеүҙәрҙе хореограф – Александр Родионов һала. Ролдәрҙә – театрҙың башҡорт труппаһы актерҙары, тип хәбәр итте театрҙың әҙәбиәт бүлеге.