Ямғырҙар туҡтарға ашыҡмай

Синоптиктар фаразлауынса, ямғырҙар июнь аҙағына тиклем булып торасаҡ.

Бөгөн, 26 июндә, республикала ҡыҫҡа ваҡытлы ямғыр яуыуы көтөлә. Ел төньяҡ-көнбайыштан талғын. Һауа температураһы көндөҙ +17, +22 градус күрһәтәсәк.

Кесаҙна, 27 июндә, шулай уҡ ҡыҫҡа ваҡытлы ямғыр яуыуы ихтимал. Ел көнбайыштан, төньяҡ-көнбайыштан талғын, көндөҙ урыны менән көсәйеүсән. Һауа температураһы төндә +6, +11, көндөҙ +15, +20 градус.

Йома көндө лә ямғыр яуасаҡ. Ҡайһы бер райондарҙа йәшен йәшнәй, боҙ-борсаҡ та яуыуы ихтимал. Ел көнбайыштан, төньяҡ-көнбайыштан талғын, көндөҙ урыны менән көсәйеүсән. Һауа температураһы төндә +6, +11, көндөҙ +15, +20 күрһәтәсәк.