"Мин улдарым менән сикһеҙ ғорурланам”

Ҡыйғы районынан Сәлихйән Зарипов Өфөлә Армия мәҙәниәте көндәренең почетлы ҡунағы булды. Уның улдары Эльвир һәм Ильмир махсус хәрби операцияла ҡатнаша.Сәлихйән Әхмәтсафи улы үҙе лә ярҙамсыл, районда әүҙем йәмәғәт тормошо алып бара, гуманитар ярҙам йыйыу менән шөғөлләнә.

«Ватанды һаҡлаусының атаһы» миҙалы менән бүләкләнеүсе: «Мин улдарым менән сикһеҙ ғорурланам”.

Фестивалдә «МХО ғаиләһенең ҡунаҡ бүлмәһе» түңәрәк өҫтәле сиктәрендә Башҡортостандың хәрби комиссары Михаил Блажевич Сәлихйән Зариповҡа «Ватанды һаҡлаусының атаһы» миҙалын тапшырҙы.

- Улдарым төрлө хәрби частарҙа хеҙмәт итә, - тип һөйләне яугирҙарҙың атаһы. Эльвир ҙа, Ильмир ҙа төрлө хәрби наградаларға лайыҡ. Уларҙың хәрби юлы — беҙҙең тарихыбыҙ, батырлыҡ һәм ҡаһарманлыҡ өлгөһө.

Улар: "Әгәр беҙ бармаһаҡ, ватаныбыҙҙы кем яҡлаясаҡ?», тине. Балаларым менән ғорурланам, әммә улар инде балалар түгел, ә ысын ир-егеттәр. Еңеү беҙҙең яҡта буласаҡ!

Шулай уҡ Сәлихйән Әхмәтсафи улы Армия мәҙәниәте көндәренән алған тәьҫораттары менән дә уртаҡлашты.

- Миңә барыһы ла оҡшаны, - ти ул. - Был ғорурлыҡ, шатлыҡ кисереү, рәхмәт еткереү мәле. Бик йылы атмосфера. Кешеләрҙең хеҙмәтен ҡәҙерләүҙәре бик ҙур ҡыуаныс.

Пресс-служба фестиваля. Фото с папке "Своя семейная гостиная. Круглый стол