"Еңеү йыры" беҙгә килде!

Бөйөк Еңеүҙең 75 йыллығына арналған йыр марафонына Удмурт Республикаһы ла ҡушылды. Ижау ҡалаһында “Еңеү көнө” йырын республиканың иң танылған коллективтарының береһе – академия хор капеллаһы башҡарҙы.

Әйткәндәй, ауыр һуғыш йылдарында Удмуртия илдең хәрби-сәнәғәт базаһының үҙәгенә әүерелә. Төрлө ҡалаларҙан күсерелгән предприятиелар республикала үҙ эшен дауам итә. Ижау ҡалаһы 11 миллион винтовка һәм карабин етештерә.

Марафонда Волга буйы федераль округының 14 төбәге лә ҡатнаша. Күршеләр эстафетаны Башҡортостанға тапшырҙы.

Видеороликтарҙы телевизоҙан, радионан, шулай ук "Вконтакте", "Одноклассники", "Фейсбук" социаль селтәрҙәрендә #песнипобедыПФО #нашденьпобеды хештегтары буйынса тыңларға мөмкин.