Өфөлә Бөйөк Еңеү тантаналары иртән үк башланды

 Бөгөн илебеҙ өсөн оло байрам – Бөйөк Еңеүҙең 77-се яҙын ҡаршылай. Ошо айҡанлы республикабыҙҙа ла байрам тантаналары иртә менән башланды.

Баш ҡалабыҙ Өфөләге Еңеү паркында тантаналы саралар уҙҙы. Башҡортостан Башлығы Радий Хәбиров һәм республика етәкселеге Бөйөк Ватан һуғышында Еңеүгә бағышланған мемориаль комплексҡа сәскә гөлләмәһе һалды. Бер минут тын ҡалып һуғышта баш һалған яугирҙәрҙе иҫкә алдылар.

Радий Хәбиров тантанаға килгән Бөйөк Ватан һуғышы ветерандары янына барып, Еңеү көнө менән ҡотланы.

Фото: "Башинформ"