Халҡыбыҙҙа дуҫлыҡ тураһында күп матур мәҡәлдәр бар: «Йөҙ һум аҡсаң булғансы, йөҙ дуҫың булһын», «Ил өҫтөндә илле дуҫың булһын», «Дуҫһыҙ кеше – ҡанатһыҙ ҡош», «Дуҫыңды дуҫ итә бел, эшеңде эш итә бел» … Эйе, дуҫлыҡ, татыулыҡҡа ни етә һуң!
Төрлө дини һәм мәҙәниәтле кешеләре бер-береһе менән уртаҡ тел тапһын, дуҫ йәшәһен, үҙ-ара ышанмаусанлыҡты, ыҙғыштарҙы юҡҡа сығарыу өсөн Халыҡ-ара дуҫлыҡ көнө булдырылған да инде. Ул йыл һайын 30 июлдә билдәләнә. Был иҫтәлекле көн 2011 йылдың апрелендә 65-се сессияла Берләшкән милләттәр ойошмаһының Генераль Ассамблеяһы тарафынан иғлан ителгән.
Әйҙә, беҙ ҙә, дуҫтар, шатлыҡ-ҡыуаныстарҙа ла, ауырлыҡтар килгәндә лә бер-беребеҙгә терәк-таяныс булып, бер-беребеҙгә ярҙам итеп йәшәйек. Халыҡ-ара дуҫлыҡ көнө менән һеҙҙе!
Фото:shareslide.ru